Jæja ég er loksins búin að skella inn nokkrum myndum :) endilega skoðið þær....

Var í mæðraskoðun í morgun og allt er í stakasta lagi. Litli prinsinn stækkar alveg rétt eftir kúrfunni, hjartsláttuinn var hraustur og góður og ljósmóðirin var ekkert smá ánægð með okkur bæði :) Þessi meðganga er búin að ganga svo rosalega vel og ég segi bara 7, 9, 13, og vona að þetta haldist svona gott næstu 10 vikurnar.

Jólin eru búin að vera æðisleg, erum bara búin að slappa af, boðra og hafa það rosa gott. 3 jólaboð á 3 dögum, gerist ekki betra en það...hehe;)

En jæja þetta er gott í bili, endilega skoðið myndirnar og haldið áfram að vera svona dugleg að kommenta, alltaf jafn gaman að skoða það

Ásdís bumbulína

Halló halló :)

Já eftir smá umhugsun ákváðum við að setja í gang þessa síðu, það eru nú bara 11 vikur í stubbinn svo það er kannski í góðu lagi að hafa allt tilbúið svo ættingjar og vinir fái nú nýjar myndir um leið og eitthvað gerist :) Hver veit svo nema maður skelli inn einhverjum bumbumyndum svona þangað til að prinsinn lætur sjá sig.

Annars er bara allt gott að frétta. Jólin eru bara rétt ókomin og það er sko óhætt að segja að ég er komin í jólaskap. Kári er stundum hálf hissa á því hversu mikið jólabarn ég er en ég veit nú að hann hefur bara lúmskt gaman að því. Við fórum og keyptum jólatré á sunnusaginn, það er pínulítið og rosa sætt, get sko ekki beðið að skreyta það. Ég er svo mikið fyrir hefðir að ég ætla að halda í þá hefð sem komst á þegar ég var lítil að skreyta jólatréið á Þorláksmessu, eftir síðustu bæjarferðina fyrir jólin.

Bumban stækkar og stækkar og hreyfist líka meira og meira. Anna Lilja fann fyrir sparki í firsta sinn núna um helgina og ég hélt bara að hún ætlaði að fara að gráta hún var svo glöð, ótrúlega gaman að sjá viðbrögðin hjá öðrum sem eru að finna fyrir sparki í firsta sinn.

En jæja, við skulum segja þetta gott í bili

Ásdís bumbulína